《祂是奇妙嘅醫生》 蕭彩屏

大家好,我叫蕭彩屏,我第一次認識主應該係十三、四年前,當時我甲狀腺出現問題,要經常去黃大仙聖母醫院抽血檢查。有一次抽血後,醫生要我即刻入院留醫,醫院因為設備唔足夠,醫生就轉介我去廣華醫院做電腦掃瞄,但排期就要等三個月,醫生就建議我自己出錢到私家醫院做。

 

當晚醫生再幫我抽多次血去檢驗,再等報告,嗰晚睡覺時,我張牀面對住牆上,我見到有一個釘了主耶穌的十字架,我就望住個十字架心諗:「成日睇電視,又聽人講話你好勁,會有奇蹟,你知不知我真係好怕身體有事,如果耶穌祢真係咁勁,祢就比我聽日嘅驗血報告一切正常,咁我就真係會信有神,有主耶穌。」 哈!真係好奇妙,神真係有大能,第二日,醫生同我講報告出咗,我啲血一切正常,唔明之前嘅報告點解會有問題,而家可以出院啦,因當時我家都有拜偶像,所以我都無去諗過信主。

 

直到6年前我髖關節出咗問題,要喺聯合醫院留醫一段時間,當時我認識了一位女仕,她叫阿英,她在醫院做事的,但經常為我祈禱,向我傳福音,但我都無行出第一步,到了上年初,我要做一個換髖關節嘅手術,因我長期貧血,醫生話如果做手術時要輸血,咁手術就會有更高風險,當時我嗰心好驚,又擔心,所以我就開始祈禱,真係好感恩,在我做手術前幾日,我的血度數去到12度,從未試過咁好,入院做手術嗰日,咁啱又見到我朋友阿英,當時我好似見到個天使一樣,我知佢會為我祈禱的,我個心即刻平靜下來,唔再驚怕,感謝主,手術非常順利,手術由醫院換髖關節最叻嘅醫生幫我做,我知這一定係主耶穌嘅恩典。手術後兩個月,我喺街見到史鳳玲,佢對我傳福音,又叫我番教會,在呢個時間我心諗係行出第一步,因為我係唔認識史鳳玲的,我知道呢個又係上天嘅安排,就跟她返得勝堂,經過聽講道,學習聖經,得知到每個人都有罪,只有耶穌才有能力赦免我們罪,我就決志信主,要跟隨耶穌為我的救主。在呢年幾,我參加咗儷人組,學習到姊妹們互相守望,彼此鼓勵,我個人開心咗好多,要多謝各弟兄姊妹,各位牧師、傳道人和何姑娘耐心教導,令我學會體恤別人,謙卑愛惜身邊的人,多謝神將我帶來得勝堂,令我得到新生命,感謝主。阿們!

 

本頁圖片/檔案 - image4 本頁圖片/檔案 - image5

蕭彩屏與家人

播道會得勝堂 - 得勝崇拜更新

本堂崇拜實體聚會

週二崇拜:

土瓜灣浙江街46-50號明發大廈一樓(樂泉堂)

港鐵土瓜灣站C出口  

星期二 - 下午8時至9時30分

 

週日崇拜:

紅磡鶴園街2G號恆豐工業大廈一期二樓A1-208室  

星期日 - 上午10時30分至12時

 

如有問題, 請致電教會辦公室 2356 7300 聯絡幹事

歡迎會友積極參與崇拜,到時大家見面,互勉祝福!