我是一個白手興家的人，創業就無份。自小無爸爸，媽媽獨力養大我，點知我不生性，唔好好讀書，令她很傷心。可能家庭問題，好早出嚟做嘢。當時做燒味一做就十幾年。 到28歲時，媽媽突然中風過世，當時我一個人唔知點算好，在醫院裡好傷心，哭到返屋企，半個月無心機返工。辦妥媽媽的後事，啲朋友叫我睇開啲。 之後我想通咗，收拾心情開工，跟住做海鮮菜檔、酒樓司機。

到了中年，40歲才結婚，娶個好老婆(亞玲)，幫我生3個仔，照顧我們一家，記得細仔出世時，佢辛苦時刻、她坐月時，我一早返工，晚時才回到家，果段時間幫唔到手，樣樣要她一手去做，好在有大仔二仔的同學家長幫手，帶我二仔返學放學。 有一位家長，佢背著個仔帶啲坐月食物、用品來我家。 我地當時住唐樓六樓行樓梯，家長們都唔怕辛苦。 老婆說她們信基督教，信教的人很好，又幫人又唔計較，我哋第日都信教！

日子過得很快，這幾年啲仔一個一個大了，自然問題多，教學、生活、開學的校服、書簿費、學校雜費，總之頭痕，開始同老婆有爭吵，自然心情不好，唔識包容，脾氣唔好，老婆情緒不安，時常將兒子閙，這個家出現了好多問題，不知如何是好。 後來識咗個為食信耶穌嘅同事，佢知我咁多問題，同我去食嘢，又同我傳福音，帶我返教會。 我話我信佛，佢話無問題，我從沒想過信耶穌，我都五十幾歲人，宜家至信耶穌，比人笑，不過我知大仔都已決志信主。 他都聽話肯返教會，佢說返教會可以同同學相處，又有導師教功課同補習、學琴，咁多好處。我抱著好奇的心，和他一起返教會見識這個信仰。

首次踏入得勝堂的感覺幾好，認識教會弟兄姊妹後，他們帶領我敬拜和唱詩歌，我感覺很開心。 自這晚後，令我對主和教會有認識，逢星期二晚有時間我都會返得勝堂敬拜和唱詩歌。 2016年10月17日我決志，決志後我心信主，每天都向天敬拜，多啲認識耶穌。我的心情開始好咗，沒有時常閙啲仔，和老婆相處融洽，有問題同耶穌講。有日大仔同我說如果屋企有個鋼琴就好了！ 點解? 因為响屋企練琴有多啲時間會好啲，咁買個新琴要過萬，二手都要幾仟，點算好！ 返教會同啲弟兄講吓，過了兩天，弟兄傳來好消息，有一個琴問我要唔要，我開心嚟唔切要，最正話唔洗比錢教會，你只要付運費就得。 當時只有感恩，感謝主。 多謝弟兄(福哥和文聰)，有咗個琴之後，亞仔做完功課後，有時間响屋企練琴，佢都好歡喜，希望家人信主，將兒子交托主。